В.Д.Иргит аттыг «Авырал» немелде өөредилге төвүнде «Домисолька» бөлгүмүнүң өөреникчилери башкызы Куулар Айлыкмаа Мокур-ооловна болгаш төптүң башкылары-биле «Шаг чаагай, Шагаа чаагай» деп Тээли суурнуң чоогунда «Даг баары» деп аржаанче экскурсиялап оюн-тоглаалыг арыг агаарлаашкынче агаарлап чорааннар. Башкылар уругларны тыва чоннуң чаагай чаңчылдарынга өөредирин уламчылавышаан, тыва чаңчылдарга хүндүткелди оттурары болгаш  тыва нациязынга, чер-чуртунга чоргаарланып чоруурун чедип алыры-биле база тыва улустуң аас-чогаалынга, оюннарынга уругларның сонуургалын бедидип, чугаа домаан сайзырадыр улуг улус-биле чолукшуп, боттарын шын алдынып билирин уламчылаарын, тыва национал хепке сонуургалдыг болурун кижизидер сорулгалыг ажылды чорутканнар. Бойдуска агаарлаашкын уезинде уруглар оран-тандызынга чалбарып, аъш-чеминиң устун чажып, алгап-йорээп, чолукшулга езулалын эрттирип, Шагаада кандыг оюннар ойнаарын болгаш Шагааның дугайында хой билиглер-биле таныжып, дыштанып, ойнап-хоглеп янзы-буру чараш, ооредиглиг мөөрейлерни эрттиргеннер.